Партияның павлодарлық мүшелері президент кандидатурасына Қасым-Жомарт Тоқаевты ұсыну идеясын бірауыздан қолдайды. Мемлекет басшысының саясаты ең әуелі тұрғындардың әлеуметтік тұрмысын жақсартуға бағытталғаны белгілі. Партияның жұмысы да халықпен кері байланыс орнатып, әлеуметтік мәселелерді шешуге құрылған. Сондықтан да алдағы уақытта билік пен халық арасындағы алтын көпір нығайып, ойға алған реформалар нәтижелі жүзеге асады деген сенім мол.
Күні кеше Мемлекет басшысы Павлодар облысына жұмыс сапарымен келіп, өңірдің әлеуетін ерекше атап өтті. Сәйкесінше, мұнда тың жобаларды жүзеге асыруға мүмкіндік зор екенін нақтылады. Бұл бізге артылған сенім деп түсінеміз. Алдағы уақытта тұрғындардың әлеуметтік жағдайын жақсартуға бағытталған жобалар қолға алынып, партия мүшелері игі істің басы-қасында жүретініне ешкім шүбә келтіре қоймас.
Бүгінде бұлжымастай көрінген халықаралық қатынастар, қоғамдық құндылықтар, әлеуметтік, адами байланыстар түбегейлі сынға түскені рас. Осындай тарихи, жауапты кезеңде ортақ мүдде мен мақсат үшін бір жағадан бас, бір жеңнен қол шығаратын уақыт келді.
Илья ТЕРЕНЧЕНКО,
«Amanat» партиясы Павлодар облыстық филиалының атқарушы хатшысы
