Мемлекет басшысы ТМД-да күш және құқық қорғау органдарының өзара іс-қимылының теңгерімді жүйесі құрылғанын, қауіпсіздік саласындағы тұжырымдамалық құжаттар қабылданғанын атап өтті.
«Сонымен қатар біз жаңа тәуекелдер мен қауіптерге ден қою үшін алдын алу шараларын жедел әзірлеуіміз қажет. Қазақстан ТМД мемлекеттерінің терроризм мен экстремизмге қарсы күрестегі ынтымақтастықтың ұйымдық-құқықтық тетіктерін жетілдіру жөніндегі бірлескен тәсілдерімен бөліседі. Біз бүгін қабылданып жатқан экстремизмге қарсы күрес бағдарламасының міндеттерін іске асыру бойынша тығыз үйлестірілген жұмысқа дайын екенімізді білдіреміз», деді Қасым-Жомарт Тоқаев ТМД мемлекеттері басшылары кеңесінің отырысында.
Айта кетсек, бүгін Астанада ҚР Президенті Қасым-Жомарт Тоқаевтың басшылығымен еліміздің Тәуелсіз Мемлекеттер Достастығындағы ағымдағы төрағалығы аясында ТМД мемлекеттері Басшылары Кеңесінің отырысы өтуде.
