Аталған жарыста Абзал Әжіғалиев табысты өнер көрсетті. 500 метрлік қашықтықта ол күміс медальді мойнына ілді. Абзалдың көрсеткіші – 41,054. Қазақ спортшысы тек эстафеталық сайыста Бейжің Олимпиадасының жеңімпазы атанған канадалық Максим Лауаннан ғана қалып қойды. Жеңімпаздың нәтижесі – 40, 946 секунд. Үздік үштікті Оңтүстік Кореяның тағы бір атақты спортшысы Ли Чжун Со (41,350) түйіндеді. Ал 1 500 метрлік бәсекеде қазақстандық Нұртілек Қажығали бесінші сатыға табан тіреді.
Естеріңізге сала кетейік, қараша айының соңына дейін шорт-трек шеберлерін тағы алты бірдей аса ірі байрақты бәсекелер күтіп тұр. Бұл жарыстарды Солт-Лейк-Сити, Бормио, Загреб, Бялосток, София және Турин қалалары қабылдайды. Ал желтоқсанда өтеді деп жоспарланған әлем кубогының екі бірдей кезеңдік сайысы Алматыда ұйымдастырылады.
