Аса жеңіл салмақтағы Бауыржан Нарбаев тұсаукесер кездесуінде сүрінсе, Шерзод Давлатов екінші айналымнан аса алмады. 66 кило салмақта сайысқа түскен Ғұсман Қырғызбаев моңғолиялық Нармандах Баянмұңх пен грузиялық Георгий Туташвилиді жолынан ығыстырғанымен, молдовалық Денис Виеру мен испаниялық Давид Гарсия Торнеге әлі жетпеді. Нәтижесінде, Ғұсман жетінші орынды қанағат тұтты. 73 кило салмақтағы Данияр Шамшаевқа ерекше сенім артылған еді. Бірақ ол үшінші кезеңде өзбекстандық Муроджон Юлдашевтан өте алмады. Сол секілді Алмас Ғалымов (66 кило) пен Абылайхан Жұбаназар (81 кило) да артылған сенімді ақтамады.
Әйелдер арасындағы жарыста жерлестеріміз тым нашар өнер көрсетуде. Осы күнге дейін бұрымыдар бес салмақ дәрежесі бойынша түрлі-түсті жүлделерді сарапқа салса, соның бірде-біреуінде қазақстандықтар алғашқы айналымнан аспады.
