«Қарлы боран мен көрінудің шектелуіне байланысты республикалық тасжолдардың 10 учаскесінде көлік қозғалысына шектеу қойылды», деп хабарлады «Қазавтожол» ҰК баспасөз қызметінен.
Ақмола облысында Жезқазған-Петропавл тасжолының 377-440 шақырымында көліктің барлық түріне шектеу енгізілді.
Сондай-ақ «Көкшетау-Атбасар» тасжолының 49-184 шақырымында көлік қозғалысы шектелген.
Абай ауданында «Омбы-Майқапшағай» тасжолының 910-1002 шақырымында, жүк және қоғамдық көлік үшін «Омбы-Майқапшағай» тасжолының 1002-1087 шақырымында, «Алматы-Өскемен» тасжолының 971-1068 шақырымында шектеулер енгізілді.
Шығыс Қазақстан облысында «Өскемен-Шемонаиха» және «Өскемен-Риддер» тасжолында көліктің барлық түрлері үшін шектеу енгізілді.
Ұлытау облысында «Жезқазған-Петропавл» тасжолының Жезді ауылынан Қостанай облысының шекарасына дейінгі бөлігінде көліктің барлық түріне шектеу енгізілді.
Қостанай облысында «Жезқазған-Петропавл» тасжолының екі учаскесі көліктердің барлық түрі үшін жабылды. Арқалық қаласынан Ақмола облысының шекарасына және Ұлытау облысының шекарасынан Арқалық қаласына дейін жабық.
