Қазақстан теннис федерациясының мәліметінше, Данилина бүгін жаңартылған әлемдік рейтингіде 11-ден 10-орынға көтерілді. Бұл оның спорттық жолындағы жеке рекорды.
Анна үндістандық Саня Мирзамен бірге Аделаида-2 WTA 500 турнирінің алғашқы айналымында жарыстың бірінші ракеткалары чехиялық Барбора Крейчикова мен аустралиялық Сторм Сандерспен шеберлік байқасты.
Тартысты кездесуде бірінші партияда қазақстандық-үндістандық жұп 6:3 есебімен басымдық танытты. Екінші сетте қарсыластары дәл сондай есеппен есе қайырды. Супер тай-брейкте Б.Крейчикова мен С.Сандерс жеңісті жұлып алды – 10:6.
Енді Данилина Мирзамен бірге жылдың басты турнирлерінің бірі – Аустралия ашық чемпионатында өнер көрсетеді.
