Жеке тұлғаның кірісі ретінде қарастырылмайды:
- ұжымдық, еңбек шарттарында және (немесе) жұмыс берушінің актісінде белгіленген нормалар қызметкерлерге олардың жұмысы жолда өтетін, жол жүру сипатындағы, қызмет көрсетілетін учаскелер шегінде қызметтік сапарлармен байланысты болған жағдайларда өтемақы төлемдері (2018 жылы 1 қаңтардан бастап ретроспективті қолданысқа енгізіледі);
- формалы киім кию және (немесе) оны қамтамасыз ету жөніндегі міндет белгіленген жағдайларда қызметкерге берілген формалы киімнің құны (2023 жылы 1 қаңтардан бастап қолданысқа енгізіледі);
- төлем карточкаларын пайдалана отырып төлемдерді қабылдауға арналған бақылау-касса машинасын және жабдықты (құрылғыны) қолдануды бұзу фактілері туралы хабарлаған адамның факт расталған жағдайда алатын сыйақы сомасы (2023 жылы 1 қаңтардан бастап қолданысқа енгізіледі).
Кірісті түзету келесі кірістер бойынша жүзеге асырылады:
- ашық және аралық инвестициялық пай қорларының пайларын өткізу кезінде құн өсімінен түсетін табыстар (2022 жылы 1 қаңтардан бастап қолданысқа енгізіледі);
- жеке тұрғын үй қорындағы жалға алынған тұрғын үйге ақы төлеу үшін бюджет қаражатынан субсидиялар түріндегі табыстар (2022 жылы 1 қаңтардан бастап қолданысқа енгізіледі);
- теңгеде орналастырылған жеке тұлғалардың депозиттері бойынша өтемақы (сыйлықақы) (2023 жылғы 1 қаңтардан бастап 2025 жылғы 1 қаңтарға дейін қолданылады).
Мүліктік кірісті анықтау мақсатында:
- меншік құқығы пайда болған сәттен бастап бір жылдан аз уақыт меншік құқығында болған тұрақ орындарын сату кезінде мүліктік табыс пайда болады (2022 жылы 1 қаңтардан бастап қолданысқа енгізіледі);
- ерлі-зайыптылардың біреуінің жылжымайтын мүлікке құқықтарын мұрагерлікке алу кезінде құнның өсуін айқындау мақсатында меншік құқығында болу ерлі-зайыптылардың осындай мүлікке ортақ бірлескен меншік құқығы тіркелген күннен бастап айқындалуы қарастырылады (2023 жылы
1 қаңтардан бастап қолданысқа енгізіледі).
2023 жылдан бастап, егер цифрлық активтерді сату кезінде құн өсімінен түсетін кіріс пайда болса, онда мұндай кіріске жеке табыс салығы салынады. Аталған норма бұрын болмаған.
«Егемен-ақпарат»
