«Морпорт» кеден бекетінде Иран Ислам Республикасынан Алматы қаласына бағыт алған контейнер анықталды. Инспекциялық кешенді пайдалану арқылы тексеруден кейін контейнер ашылды. Ішінен құжаттарға сәйкес «жарық диодты шамдардың» орнына қызметкерлер декларацияланбаған өнім – 866 мың қорап темекіні тапқан.
Темекі бұйымдарының контрабанда фактілерін тексеру үшін тергеу амалдары жүргізілу үстінде, кедендік құн және төленетін кедендік төлемдер мен салықтар белгіленді.
Қазақстан Республикасы Қылмыстық-процестік кодексінің 201-бабына сәйкес өзге де мәліметтер тергеу мүддесі үшін жария етілуге жатпайды.
