Қоғам • 30 Қаңтар, 2023

Семейдің оңалту орталығы

441 рет
көрсетілді
2 мин
оқу үшін

Семей қаласында 150 орындық мүгедектігі бар адамдарға арналған оңалту орталығы ашылды. Оңалту орталығы балаларға да, ересектерге де қызмет көрсетеді.

Семейдің оңалту орталығы

Мұнда кешенді медициналық-әлеу­мет­тік, психологиялық-әлеуметтік және әлеуметтік-педагогикалық жағы­нан оңал­ту жүзеге асады. Сондай-ақ Абай облы­сы­ның алыс аудан, ауыл­да­­ры­нан келгендерге 1 айдан 6 айға дейін уа­қыт­ша тұруға мүмкіндік қарастырылған. Бар­лық бөлмелер мен ка­бинеттер қажетті меди­ци­налық жи­һаз­дармен және отандық, ше­тел­дік заманауи оңалту жабдықтарымен қамтамасыз етілген. Орталықта 14 оқу орны бар кітап­ха­насы бар болса, оның екеуі мүге­дек­тер арбасына арналған. Тер­мо­­гид­ро­терапия бөлімшесінде екі емдік бассейні де бар.

«Мемлекет басшысының тікелей тап­сырмасымен іргесі қаланған біре­гей орта­лық 200 маманды тұрақты жұмыспен қамтымақ. Білікті мамандар заманауи тех­никалық оңалту құралдарын қолдану ар­қылы әр ем алушыға жеке бағдарлама әзірлейді. Бұл нысанның облысымыз үшін де, қаламыз үшін де маңызы зор», деп атап өтті Абай облысының әкімі Нұрлан Ұранхаев.

Орталықтың ашылу салтанатына Еңбек және халықты әлеуметтік қор­ғау вице-министрі Ербол Оспанов арнайы келді.

Мемлекет басшысының 2020 жылы берген тапсырмасымен бірінші кезекте 12 оңалту орталығын ашу жоспарланған еді. Соның ішінде бірінші болып Семей қаласында ашылып отырғанына қуа­ныш­тымын. Абай облысы бойынша 24 мыңнан аса мүгедектігі бар азамат тіркелген. Бұл – осыншама отбасы, демек арнайы қызметке мұқтаж балаларды тәрбиелеп отырған ата-аналар. Енді жылына 4 мыңнан аса адам орталық қызметін пайдалана алады, – деді вице-министр.

Оңалту орталығында психонев­ро­ло­гия­лық патологиясы бар, тірек-қи­мыл аппараты бұзылған мүгедек ба­лалар және бірінші және екінші топ мү­ге­дектігі бар адамдар ем-дом алып, оңал­тудан өте алады.

 

Ерзат ЖАНАТҰЛЫ,

журналист