Ринат Зайытов 1983 жылы 17 қарашада Шығыс Қазақстан облысының Аягөз қаласында дүниеге келген. Ол - қазақтың суырып-салма айтыскері, драмалық актер, филолог.
М.Төлебаев атындағы музыка колледжінің «Драмалық театр актері» мамандығы бойынша тәмамдаған. Семей Мемлекеттік педагогикалық институтында филолог мамандығын меңгерген.
Ол 2001-2008 жылдар аралығында аймақтық, республикалық және халықаралық айтыс додаларының жеңімпазы атанған. Ал 2008-2010 жылдар аралығында республикалық айтыстардың жеңімпазы болған.
Ринат Зайытов - Аягөз ауданының құрметті азаматы, «Астана қаласының дамуына қосқан үлесі үшін» медалінің иегері.
