Кеш бағдарламасында композитордың алуан түрлі шығармалары – «Фигароның үйлену тойы» операсына увертюра, оркестрмен валторнаға арналған №3 концерті және «Юпитер» №41 симфониясы бар.
«Фигароның үйлену тойы» шығармасымен Моцарттан асқан керемет жетістікке ешкім қол жеткізген емес. Театр лық толы болды, көптеген нөмірді қайталауға тура келді, сондықтан опера екі есе ұзағырақ ойналды, ал келушілер Моцарт шығармаларына қошемет көрсетуді тоқтатпады», дейді операға келген көрермен.
1786 жылғы тұсаукесерден бастап «Фигароның үйлену тойы» әуендері көпшіліктің сүйіспеншілігіне бөленген еді. Жалпы, Моцарттың шығармашылығы басқа да Вена классиктерінің мұраларымен бірге валторна музыкасы дамуының шарықтау шегіне жетті. Оркестрмен валторнаға арналған №3 концерт – композитордың жеке аспаптың мәнерлі мүмкіндіктерін дамытып, байытқан жауһар туындысы.
Кештің жеке орындаушысы – «Дарын» мемлекеттік жастар сыйлығының лауреаты, симфониялық оркестрдің бас дирижері Қалқаман Дүйсембаев. Симфониялық оркестрдің көркемдік жетекшісі – халықаралық және республикалық байқаулардың лауреаты Әділ Бестембеков, бас дирижер – Қалқаман Дүйсембаев.
