Қоғам • 13 Ақпан, 2023

Павлодарда екі мектептің оқушылары мен мұғалімдері эвакуацияланды

303 рет
көрсетілді
1 мин
оқу үшін

Павлодарда екі мектептің оқушылары мен мұғалімдері шұғыл түрде мектеп ғимаратынан көшеге шығарылды, деп хабарлайды Egemen.kz.

Павлодарда екі мектептің оқушылары мен мұғалімдері эвакуацияланды

Белгілі болғандай, барлығы шұғыл түрде мектеп ғимаратынан көшеге шығарылған. Эвакуация кезінде түсірілген видео әлеуметтік желілердегі парақшаларға тарап кеткен.

Құқық қорғау органдарының мәліметінше, 13 ақпанда таңертең № 34 орта мектептің директоры полицияға хабарласып, мектептің электронды поштасына мектепте «снаряд» бары туралы хабарлама келгенін айтқан.

«Оқиға орнына барлық қызметтер жіберілді. Ғимарат тексерілді. 1115 адам, оның ішінде 950 оқушы эвакуацияланды. Сондай-ақ № 35 орта мектептен 1000-ға жуық адам қауіпсіз жерге көшірілді. Жарылғыш заттар бойынша мамандар ғимараттардан күдікті және жарылғыш құрылғылар таппады. Аталған дерек бойынша тергеу амалдары жүргізіліп жатыр», делінген ҚР ІІМ Telegram-каналында.