![Рухани астананың тарихи бейнесі](/media/2023/04/18/bayqau1.jpg)
Түркістанның тарихи маңызын ашып, дарынды жастар шығармашылығына қанат бітіріп, ұлттық құндылықтарға деген ерекше құрметін, елжандылық, отансүйгіштік сынды патриоттық сезімдерін қалыптастыру, әуесқой фотограф мамандығына жол ашу мақсатындағы байқауға қатысушылардың жас ерекшеліктеріне шектеу қойылмады. Түркі әлемінің рухани астанасы – Түркістанның тарихы мен бүгінгі көрінісі бейнеленетін туындылар қабылданған өнер байқауы «Этноауыл» қалашығында қорытындыланды.
Байқауға Түркістан, Қызылорда облыстары мен Алматы, Орал, Атырау, Ақтау қалалаларынан 30-дан астам фотограф пен суретші қатысқан. Ережеге сәйкес байқаудың марапаттау салтанаты екі бағытта өткізілді. Біріншісі – көне және жаңа Түркістан көрінісінен сыр шертетін фотосуреттер болса, екіншісі – рухани астананың келбеті бейнеленген картиналар. Нәтижесінде, «Фотосурет» аталымы бойынша Серікболсын Шері жеңімпаз атанса, Асыл Жұмаханов екінші, Антон Лищенко мен Ұлпан Әбдірахман үшінші орынға ие болды. Ал «Қылқалам шеберлері» аталымы бойынша Темірбек Нұрмашев жеңімпаз атанды, Мұрат Шаханбаев екінші және Серік Қинабаев пен Ержан Рысымбетов үшінші орын иеленді. Жеңімпаздар мен жүлдегерлер арнайы Алғысхат және қаржылай сыйлықпен марапатталды.
ТҮРКІСТАН