Димаш түпкір-түпкірден жиналған тыңдармандарының алдында өнер көрсетіп, концерт өткізді. Концертте әнші жеті тілде ән шырқады.
dimashnews.com сайтының ақпаратына сәйкес, концертте Димаштың орындауында Еуропа мен Америка авторларының «Golden», «If I never breathe again», «S.O.S» шығармалары шырқалды. Жапондық автор Кози Тамакидің терең және қайғылы «Autumn strong» әні Димаштың «I am a Singer» жобасындағы сәттерді еске түсіріп сондай-ақ әртістің «Screaming», «Let it be» композицияларын және қытай тіліндегі «Battle of Memory» саунд-трегін орындады.
Композитор Игорь Крутойдың шығармалары Димаштың шығармашылығында маңызды орын алады. Шоудың «Stranger» титулдық әнінен, полифониялық «Олимпико», сондай-ақ «Аве Марияның» және барлық Dears-тің сүйікті «Любовь уставших лебедей» әнінен бастап, нөмірді аяқтағанға дейін барлық зал хормен шырқады.
Концерттің қонағы өзінің керемет хиті «Bukan Cinta Biasa» және дәстүрлі «NIRMALA» әнін орындаған Сити Нурхализ есімді малайзиялық әнші болды.
Шоу бағдарламасында көрермендер әртіспен бірге қазақ тіліндегі «Дайдидау» және «Дурдараз» халық әнін, сондай-ақ қазақстандық композиторлар Айгүл Бажанованың «Махаббат бер маған», Еділжан Ғаббасовтың «Fly Away» және Димашпен бірге жазған «Zhalyn» әндерін тыңдап, орындады.
Шоудың соңғы бөлімінде испан тіліндегі «El amore en ti» ірі композиторлық жұмыстары және осы кеште ерекше әсерлі болған «The story of one sky» реквиемі орындалды.
«Бұл арман! Мен өте бақытты әртіспін, өйткені менде сіздердей керемет тыңдаушылар бар!» деп Димаш өз жанкүйерлерін келесі концерттерде күтетінін айтты.
