Спорт • 17 Шілде, 2023

Балуандар 23 жүлде иеленді

226 рет
көрсетілді
1 мин
оқу үшін

Астанада белбеу күресінен ерлер мен әйелдер арасындағы әлем чемпионаты аяқталды. Екі күнге созылған бәсекеге 30 елдің 250-ге жуық спортшысы қатысты.

Балуандар 23 жүлде иеленді

Елордадағы «Beeline Arena» спорт ке­шеніндегі білекті балуандар бәсекесінде жерлестеріміз үздіктер қатарынан көрініп, жалпы саны 23 медаль (6 алтын, 4 күміс және 13 қола) жеңіп алды. Бұл көрсеткішпен отандастарымыз тек Ресей құрамасын алға жіберіп, жалпыкомандалық есепте екінші орынға ие болды. Үздік үштікті Түрікменстанның балуан­дары түйіндеді.

Елімізде осымен төртінші мәрте ұйым­дастырылған әлем чемпионатында ел намысын 42 спортшы (32 ұл, 10 қыз) қорғады. Жарыстың соңғы күнінде Қазақстан спортшыларынан Қалмұхан Тұрмаханбет (57 кг), Әділет Шалғынбекұлы (62 кг), Ақтөре Сұлтанбекұлы (75 кг), Тоқтарбек Айдарбек (90 кг) және Бекбол Нұрланұлы (100 кг) алтын тұғырдан көрінсе, Данияр Күнкібаев (68 кг) пен Эскерхан Осканов (100 кг) күміс, Ай­бек Қазақбаев (62 кг), Рахмет Сәпиев (82 кг) және Нұрсұлтан Қожагелдіұлы (+100 кг) жа­һандық доданың қола жүлдесіне ие болды.