Ауа райы • 16 Тамыз, 2023

Еліміздің басым бөлігінде найзағай ойнап, жауын жауады

206 рет
көрсетілді
1 мин
оқу үшін

Қазгидромет синоптиктері 16 тамыз, сәрсенбіге арналған ауа райы болжамын жариялады, деп хабарлайды Egemen.kz.

Еліміздің басым бөлігінде найзағай ойнап, жауын жауады

Атмосфералық фронттардың әсерінен Қазақстанның басым бөлігінде найзағай ойнап, жаңбыр жауады.

Еліміздің оңтүстік-шығысында және шығыста таулы аудандарда жауын-шашын жауады.

Тек республиканың оңтүстігінде, солтүстігінде және орталығында жоғары атмосфералық қысым әсерінен жауын-шашынсыз ауа райы сақталады.

Республика бойынша екпінді жел тұрады.

Елдің солтүстігінде және орталығында түнде және таңертең тұман түседі. Күндіз еліміздің шығысында бұршақ жаууы ықтимал.

Күндіз Атырау облысының басым бөлігінде 36°С дейін қатты ыстық болады.

Атырау, Маңғыстау, Жамбыл, Қызылорда, Ақтөбе, Батыс Қазақстан облыстарында, Қостанайдың оңтүстігінде, Қарағанды қаласының орталығында, Алматы облысының солтүстігінде, Түркістан облысының солтүстігінде, батысында, оңтүстігінде, шөлді аудандарында, Жетісу облысының батысында төтенше өрт қаупі сақталады.

Солтүстік Қазақстан облысының солтүстігінде, батысында, Алматы облысының оңтүстігінде, Ақмола облысының батысында өрт қаупі жоғары болады.