Спорт • 24 Тамыз, 2023

Қазақстандық дзюдошы әлем біріншілігінде чемпион атанды

189 рет
көрсетілді
1 мин
оқу үшін

Хорватияның Загреб қаласында өтіп жатқан әлем біріншілігінде Қазақстан жасөспірімдер құрамасы 1 алтын, 1 күміс, 1 қола, барлығы үш жүлдемен медаль кестесі бойынша бірінші орында тұр. Нұрлан Исатаев әлем чемпионы атанды, деп жазады Egemen.kz.

Қазақстандық дзюдошы әлем біріншілігінде чемпион атанды

Фото: qov.kz

Ел қоржынына алғашқы алтынды сыйлаған Нұрлан Исатаев 55 келіге дейінгі салмақ дәрежесінде қарсылас шақ келтірмей, іріктеу кезеңінде Шахруз Шаназаровты (Түрікменстан), Лиова Спариянды (Армения) Янг Жонатанды (АҚШ) айқын басымдықпен жеңіп, финалда грузиялық Мераби Самадашвилиді ұтты.

Қыздар арасында 40 келіге дейінгі салмақта Сабина Юлдашбекова 40 келіге дейінгі салмақ бойынша белдесулерге шығып, ел қоржынына күміс жүлде салды. Ал қола жүлдені Оралбек Байзақ жеңіп алды.

Жасөспірімдер арасындағы аталған әлем чемпионаты 27 тамызға дейін жалғасады.