Спорт • 29 Тамыз, 2023

Азиадаға барады

177 рет
көрсетілді
1 мин
оқу үшін

Санаулы күндерден кейін Қытайдың Ханчжоу қаласында жазғы Азия ойын­дарының алауы тұтанады. Азияның Олимпиадасына айналған дүбірлі дода жақындаған сайын Сары құрлық сайысында ел намысын қорғайтын спорт­шылардың есімдері белгілі бола бастады.

Азиадаға барады

 

Бүгін біз Қытай татамиінде өнер көрсететін дзюдошыларды таныстырамыз. Еліміздің ерлер құрамасының бас бапкері Нұрбол Сүлейменов Қытайдағы осы жылдың бас­ты додасында мына балуандарға сенім артпақ: ересектер арасындағы әлем чемпионы, жуырда ғана елімізде өткен «Grand Slam» додасының жеңімпазы, «Grand Prix» турнирінің үздігі Мағжан Шамшадин (60 кг), 2021 жылғы әлем чемпионатының күміс жүлдегері, екі дүркін Азия біріншілігінің қола жүл­дегері, «Grand Slam» және «Grand Prix» дода­ларының жеңімпазы Ғұсман Қырғызбаев (66 кг).

Сонымен қатар Азия чемпионы Данияр Шамшаев (73 кг), халықаралық жарыстардың жүлдегері Абылайхан Жұбаназар (81 кг), 2018 жылғы Азия ойындарының жеңімпазы Дидар Хамза (90 кг), былтырғы Азия чемпионатының қола жүлдегері Нұрлыхан Шархан (100 кг) және биылғы «Қазақстан барысы» додасының жеңімпазы Ғалымжан Қырықбай (+100 кг) Қытайда белдеседі.