Қоғам • 31 Тамыз, 2023

Мәдени байланыс жалғасады

131 рет
көрсетілді
2 мин
оқу үшін

Елімізде өткен Тәжікстан мәдениетінің күндері қос ел жазушыларының басқосуымен қорытындыланды. Ұлттық кітапханада екі елдің Жазушылар одағының өкілдері дөңгелек үстел басына жиналып, келелі мәселелерді ортаға салды.

Мәдени байланыс жалғасады

Алқалы жиынға Қазақстан Мәдениет және спорт минис­трі Ас­хат Оралов, Тә­жік­стан Мәдениет минис­трі Зуль­фия Давлатзода, Қазақ­стан Жазушылар одағының төр­ағасы Мереке Құлкенов, Тә­жік­стан Жазушылар ода­ғының төрағасы Косим Нозим, сондай-ақ екі елдің көрнекті мәдениет қайраткерлері мен зиялы қауым өкілдері қа­тысты.

«Біз мемлекеттеріміздің әдебиет саласындағы өзара ынтымақтастығы мәселелерін талқыладық. Атап айтқанда, Жа­­зушылар одағы қазақ­стан­­­дық авторлардың бес шы­­­ғар­масын тәжік тіліне ау­дару туралы ұсыныс айтты. Сон­дай-ақ Қазақстанда тә­жік әде­биетшілерінің бес ең­бегін шығару ұсынылды. Бұл Қазақ­стан мен Тәжікстан ара­сын­дағы мәдени байланыс­тарды нығайтуға ықпал етеді деп санаймын», деді Асхат Оралов.

Сонымен қатар Мереке Құл­кенов пен Косим Нозим екі елдің Жазушылар одақтары ара­сындағы ынтымақтастық туралы меморандумға қол қой­­д­ы.

Кездесу тәжік делегация­сына естелік кітап­тар табыс­тау рәсімімен аяқ­талды. Қо­­­нақ­тарға сыйлық ретінде қа­­зақ ақындарының «Қа­­зақ поэзия­сының інжу-маржан­дары» атты 13 томдық өлеңдер жи­на­ғы және басқа да кітаптар та­бысталды.

Қазақстан мен Тәжікстанды географиялық көршілестік қа­на емес, сондай-ақ ғасырлар бойғы тарих та байланыстырады. Мәдени алмасу әрқашан екі елдің тығыз қарым-қаты­насының маңызды бөлігі бол­ды. Сондықтан әдебиетті да­мыту саласындағы өзара іс-қи­мылдың күшеюі бүкіл Орталық Азия аймағына орасан зор пайда әкелуі мүмкін.

«Қажетті қадамдар қазір­дің өзінде жасалып жатыр. Мә­селен, келесі жылы Ұлттық академиялық кітапханада тәжік әдебиетінің бұрышы ашылады. Сонымен қатар біз­дің елдеріміздің ұлттық кі­тапханалары арасында ын­ты­мақтастық туралы шарт бар, оның шеңберінде кі­тап­хана, архив және музей қорларының жазбаша және баспа құжаттарын сақ­тау бағытында жұмыстар жүр­гізілуде. Ал тәжік тарапы өз ке­­зегінде Қазақстан баспа­лары мен кітап сауда ұйым­да­рын осы жылдың қазан айында Тәжікстан астанасында өте­тін XI халықаралық «Ду­­шанбе кітабы» көрмесіне ша­қырды», деді министр.

Айта кетейік, келесі жылы Тәжікстанда Қазақстанның Мәдениет күндерін өткізу жос­парланып отыр.