Қоғам • 01 Қыркүйек, 2023

Балаларға арналған «Келешек» бірыңғай ерікті жинақтау жүйесі енгізіледі

472 рет
көрсетілді
1 мин
оқу үшін

Президент Қасым-Жомарт Тоқаев бес жастан асқан балаларға арналған «Келешек» атты бірыңғай ерікті жинақтау жүйесін енгізуді тапсырды, деп хабарлайды Egemen.kz.

Балаларға арналған «Келешек» бірыңғай ерікті жинақтау жүйесі енгізіледі

«Мемлекеттің білім саласына қатысты жұмысында тұтастық, яғни жүйе жоқ. Тіпті, өзара байланыс жоқ деуге болады. Сондықтан бес жастан асқан балаларға арналған «Келешек» атты бірыңғай ерікті жинақтау жүйесін енгізуді тапсырамын. Бұл бағдарламада мемлекет тарапынан ұсынылатын бастапқы білім беру капиталы, жыл сайынғы мемлекеттік сыйақы және инвестициялық табыс қарастырылуға тиіс. Осы жинақ пен «Ұлттық қор – балаларға» жобасының қаражаты қосылғанда жас ұрпақтың сапалы білім алуына мүмкіндік туады», деді Қ.Тоқаев.

Бұдан соң ол қазір еңбек нарығында ауқымды өзгерістер болып жатқанын айтты. Онда цифрлы экономиканың рөлі арта түспек.

«Платформалық жұмыспен қамту жүйесіне қызығушылық артып келеді. Осы секторда қазірдің өзінде жарты миллионнан астам адам жұмыс істейді. Алайда олардың еңбек құқықтары толық қорғалмаған. Сондықтан осы санаттағы азаматтардың еңбек құқықтарын қорғаудың нақты тәсілдерін әзірлеп, платформалық жұмыспен қамту мәселесін түгел реттеу қажет», деді Президент.