Қоғам • 05 Қыркүйек, 2023

Банкрот болғандардың тізімі жарияланды

278 рет
көрсетілді
1 мин
оқу үшін

Елімізде банктер алдындағы берешегін төлей алмағандықтан  банкрот деп танылған азаматтардың тізімі жарияланды, деп хабарлайды Egemen.kz Мемлекеттік кірістер комитетінің баспасөз қызметіне  сілтеме жасап. 

Банкрот болғандардың тізімі жарияланды

«4  қыркүйектен бастап Қазақстанда банкрот деп танылған азаматтардың тізімдері жариялана бастады.

ҚР Қаржы министрлігі Мемлекеттік кірістер комитетінің мәліметі бойынша, қазірдің өзінде берешегі 435 млн теңгені құрайтын (кредиттік бюроның мәліметі бойынша) 309 адам банкрот деп танылды.

Аталған азаматтарға 14-14 қызметі бойынша sms-хабарлама арқылы соттан тыс банкроттық рәсімінің аяқталғаны және банкрот деп танылуы туралы хабарлама келіп түсті, сондай-ақ олар туралы ақпарат «e-gov» порталында орналастырылды.

Банкрот деп танылған азаматтардың 22-сі мемлекеттік атаулы әлеуметтік көмек алушы болса, 232-сі бес жылдан астам несие қарыздарын өтей алмай жүргендер.

Банкрот деп танылған тұлғалардың орташа жасы 40 жасты құрайды. Бүгінде банкротқа ұшырағандардың ең жасы 1 миллион теңгеден астам қарызы бар Қызылорда облысының тұрғыны, ол 23 жаста. Ал ең қарт банкрот болған азамат Маңғыстау облысының 65 жастағы тұрғыны болды, оның 3 миллион теңгеден астам қарызы есептен шығарылады.

Бұл азаматтар қомақты қарыздан құтылды.

Дегенмен, банкроттықтың да өзіндік шектеуі  бар – бес жыл ішінде жаңа несие алуға тыйым салынған және мұндай азаматтардың үстінен үш жыл бойы қаржылық мониторинг жүргізіледі»,  деп  жазылған хабарламада.