Пікір • 08 Қыркүйек, 2023

Заң үстемдігі маңызды

355 рет
көрсетілді
2 мин
оқу үшін

Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы жұрт шешімін асыға күткен көп мәселені ортаға салды. Сонымен қатар олардың кезең-кезеңімен жұрт үмітін оятып, сенімін нығайтатын жолдары қандай болуы керектігін айқын көрсетіп берді.

Заң үстемдігі маңызды

«Адам құқығын қорғау саласында маңызды қадамдар жасалды. Әділдікті және заң үстемдігін орнату үшін ауқымды жұмыс жүргізіліп жатыр. Шешім қабылдау үдерісіне азаматтардың қа­тысу мүмкіндігі артты. Қо­ғам­ның саяси мәдениеті мүл­де жаңа сипатқа ие бол­ды», деп Президент осы Жол­дауында атап көрсет­кен­дей, қазіргі күнде жаңа Қазақстан құруға бет бұрған елімізде алдымен әділдікті тұғыр еткен заң үстемдігін ор­натудың маңызы зор. Өйткені, азаматтық қоғам, адам құқығы тәуелсіз мем­лекетіміз үшін басты орында.

Баршаңызға белгілі өткен жылы Мемлекет бас­шы­сы­ның бастамасымен респуб­ликамызда жаңадан Абай, Ұлытау және Жетісу облыстары өз алдына бөлек еншісін алды. Қасым-Жомарт Кемелұлының бұл батыл қадамы да халықтың көкейін­дегісін дөп басып, қордаланған әлеуметтік мәсе­ле­лердің оңынан шешілуіне жол ашты. Сол тұрғыда біз­дің саланың мамандарына да үлкен жауапкершілік жүк­­теліп, облыстағы 17 басқарманың қатарында 2022 жылдың 24 маусымында Абай облыстық Әділет депар­таменті құрылды.

Содан бергі бір жыл ішінде қабылдауымызға келген аза­мат­тардың құқықтық-заңдық тұрғыдан қоғамдағы орнын айқындау, оларға дұрыс бағыт-бағдар беру тұрғысында ауқымды жұмыс атқарылып жатқандығын айта кеткен артық болмас.

Президент Жолдауына зер сала қарасақ, алдымен азаматтық сананы жаңа белеске көтеруге шақырады. «Бәріне бірдей мүмкіндік беретін өркениетті ел – Әді­лет­ті Қазақстанды құра­мыз. Заң және тәртіп, өзара түсіністік, тілектестік пен жауап­кершілік бәрінен биік тұратын тиімді мемлекет боламыз. Қоғамдық тәр­тіпті бұзатын кез келген аран­датушылық әрекетке қатаң тосқауыл қою қажет. Өкінішке қарай, құқық қорғау мекемелері және аймақ басшылары осы жұмысты дұрыс атқармай отыр. Басқа сөзбен айтқанда, заң үстемдігін қамтамасыз етпейді. Соның салдарынан қоғамымызда ұдайы келеңсіз оқиғалар болып жатады», деп бүкпесіз шындықты дөп басып айтқан.

Президент Жолдауында барлық сала бойынша қам­тылған мәселелерді түбе­гей­лі әрі дұрыс шешілуін жүзеге асыру үшін заң үстемдігін орнатуға белсенді үлес қосу әр азаматтың парызы.

 

Жанболат САМАШЕВ,

Абай облысы Әділет департаменті басшысының орынбасары