Хоккей • 10 Қыркүйек, 2023

Жеңілістен көз ашпады

146 рет
көрсетілді
1 мин
оқу үшін

Құрлықтық хоккей лигасында (ҚХЛ) бақ сынап жүрген Астананың «Ба­рысы» тұрақты біріншілік бас­талғалы бері жеңілістен бір бас көтер­мей, өз жанкүйерлерін әбден мезі етті.

Жеңілістен көз ашпады

Алдында ғана жерлестеріміз Новосібірге сапар шегіп, жергілікті «Сибирге» есе жібер­ген еді. Бір айта кетерлігі, үш кезең бойы қос команда бір-бірінің осал тұсын таба алмады. Жеңімпаз тек қосымша уақытта анықталды. Одан кейін Омбыға аттанды. «Авангардқа» қарсы матчта «Барыс» жарты сағаттан аса уа­қыт бойы айдын иелерінің екпінді шабуы­лына төтеп берді. Сол аралықта өздері есеп ашып та үлгерді. 22 минутта Нельсон Ножье нысананы дәл көздеді. Үзілістен соң омбылықтар таразы басын теңестірді. Үшінші кезеңде «Барыстың» «бензині» бітті. Соңғы 10 минутта «Авангардтың» хоккейшілері қатарынан үш мәрте мергендік танытты. Бұл голдардың авторлары – Либор Шулак, Владимир Ткачев және Райан Спунер. Ал қонақтардың ең болмағанда бір шайбамен жауап қайыруға қауқары жетпеді – 4:1.

Сөйтіп, елордалық клуб қатарынан төр­тінші ойында ұтылды.