«Зардап шеккен 24 адам Республикалық шұғыл медициналық жәрдем орталығы мен оның Ташкент облысы бойынша филиалына, Ташкент қалалық жедел жәрдем ауруханасына, №1 қалалық перзентханаға, республикалық және қалалық клиникалық ауруханаларға жатқызылды», делінген хабарламада.
Қалған 138 адамға медициналық көмек көрсетіліп, үйлеріне жіберілді.
Бұған дейін Ташкент әуежайы маңында алапат жарылыс болғаны туралы жазған едік. Алдын ала болжам бойынша, қоймалар найзағай жарқылынан өртке оранған. Жарылыс толқыны эпицентрден 30 шақырым жерде сезілген.
