фото: sputnik.kz
«Air Astana» Тель-Авивке ұшу билеттерін сатуды келесі ескертуге дейін тоқтатты. Бұрын билеттерді сатып алған және қазіргі жағдайға байланысты сапарларынан бас тартқысы келетін жолаушылар үшін әуе компаниясы билеттерді сатып алу орнында толық қайтаруды ұсынады», делінген әуе компаниясының мәлімдемесінде.
Сондай-ақ «Air Astana» жолаушылардан әуе компаниясының сайтында рейстердің күйін бақылауды сұрады.
Айта кетейік, бүгін Израиль мемлекеті Палестина тарапының жаппай зымыран атуына байланысты Газа секторында әскери операцияны бастағанын хабарлаған едік.
