Баға • 11 Қазан, 2023

ЖАМБЫЛ ОБЛЫСЫ: Сапасына қарай саудасы

153 рет
көрсетілді
1 мин
оқу үшін

Жамбыл облысы жылыту маусымына толық дайын. Облыс әкімдігі тұрғын үй-коммуналдық шаруашылығы басқармасының басшысы Құдайберген Қорғанбаевтың айтуынша, өңірде негізгі деп есептелетін 9 жылу энергетика кешені, 593 автономды қазандық бар. Олардың көмегімен 1 737 әлеуметтік нысан және 1 649 көпқабатты тұрғын үйді жылумен қамтамасыз ететін мүмкіндік қарастырылған.

ЖАМБЫЛ ОБЛЫСЫ: Сапасына қарай саудасы

Коллажды жасаған – Қонысбай ШЕЖІМБАЙ, «EQ»

Басқарма басшысы келтірген дерекке жүгінсек, қазіргі кезде өңірде 31 нарық субъектісі көмір сатумен айналысады. Көмірдің бағасы сұрпына қарай белгіленген. Бір сөзбен айтқанда, сапалы көмірдің бағасы әлбетте жоғары болады.

«Шұбаркөл, Қаражыра маркілі көмірдің бағасы сапасына қарай тоннасы 16-19,5 мың теңгені құрап отыр. Осы орайда елді мекендер арасындағы қашықтықты да ескерген жөн. Тұтынушыға жеткізу құ­нын қоса есептегенде көмір бағасы 20-23 мың теңгеге шарықтап кетеді.

Байзақ, Жамбыл, Талас, Мойын­құм аудандарында көмір сатумен айналысатын, теміржол тұйықтары бар нарық субъектілері жоқ екені белгілі. Сондықтан бұл төрт ауданның тұрғындары көмірді Тараз және Шу қалаларынан сатып алып отыр.

Қазіргі таңда өңірімізге кө­мір отыны тиелген вагондар тұрақ­ты түрде келіп жатыр. Көмір қоймаларында ешқандай тапшы­лық тіркелген жоқ. Қысқасы, тұрғын­дардың қажетті мөлшерде көмір сатып алуға ешқандай кедергі жоқ екенін айта кеткен ләзім», дей­ді Қ.Құдайбергенов жағдайды түсін­діріп.