Фото: gov.kz
«Жас сарбаз» әскери-патриоттық клубының тәрбиеленушісі Ақжол Герой батыл әрекетімен жол-көлік оқиғасының алдын алғаны үшін Қорғаныс министрі генерал-полковник Руслан Жақсылықов ізгі тілектерін жеткізген. «Сіздердің ұлдарыңыз сындарлы сәтте атына заты сай нағыз батыр екенін дәлелдеді», делінген жас батырдың ата-анасына жазылған алғыс хатта.
Еске салайық, жедел қимылымен автобустың үймен соқтығысуының алдын алған оқушы туралы ақпараттар кеңінен таралды. Біз бейбіт күннің батыр баласына айналған Геройдың немересінен сұхбат та алдық. Оны бүгін сайтымызда жарияладық. 
