Өнер • 20 Желтоқсан, 2023

Тобылдағы түркі әуендері

154 рет
көрсетілді
3 мин
оқу үшін

Қостанайдағы Жастар сарайында «Түркі әлемі» халықаралық этнофестивалі өтті. Бауырлас елдердің арасындағы мәдени байланыстың беки түсуіне септігі мол дәстүрлі іс-шараға Қостанай облысының өнерпаздары, Өзбекстан, Қырғызстан және Башқұртстан Республикасынан келген өнер ұжымдары қатысты.

Тобылдағы түркі әуендері

Жалпы, «Түркі әле­мі» фес­тивалін алғаш ұйымдас­ты­рып, жөн-жосығын көрсетіп жол­ға қойып кеткен талантты күй­ші, Қостанайдағы қазақ оркес­трі­нің негізін қалап, құрамын қа­лыптастырған марқұм Назымбек Молдахметов еді. Түбі бір түркі халықтарына ортақ өнер мерекесі содан бері үзілмей жалғасып келеді.

Фестиваль аясында Баш­құрт­станның «Дэрт», Қырғыз­стан­­ның «Күү булак», Өз­бек­стан­ның «Тараннум» ансам­бль­де­­рінің жетекшілері, соны­мен қа­тар Өзбекстанның ха­лық әр­тісі, дирижер Фарух Са­дықов қа­тысқан жиын өтті. Мей­ман­дар фестивальдың мән-ма­ңызын, ерекшелігін тілге тиек етіп, ұйым­дастырушыларға риза­шылық білдірді.

вапр

«Қазақтың ұлттық музы­ка­сы өте бай. Бұл елде халық­ара­лық деңгейде өтетін бай­қау-фес­тивальдар өте көп. Соны­сы­мен көбімізге үлгі. Оның ішін­де жыл сайын Қостанайда өтіп тұратын «Түркі әлемі» фес­тивалі мен Дирижерлер фору­мын ерекше атап өтер едім. Қос­танай облыстық филармония­сынан өзге филармониялар­дың ешқайсысында мұндай кең ауқымды жобалар жоқ десем, қате­леспеймін. Сіздер ұйымдастырып жатқан іс-шаралар біздің елде де белгілі бола бастады. Бұл – түр­кітілдес ағайындар үшін аса маңызды және керек фестиваль. Әлде де жандана, жетіліп, да­ми түсуін тілеймін», дейді өзбек­стандық мейман Фарух Садықов.

«Дэрт» ансамблінің жетек­­ші­сі Эмир Аубакиров те Қазақ­стан­да өтетін халықаралық өнер байқауларына мүмкіндігін­ше қалмай қатысып тұрады екен. «Баш­құрт бауырларын ұмытпай, үнемі шақыру жіберіп отыратын ұйымдастырушыларға, бауырлас ағайынға алғысымыз шексіз. Бұл фестивальдың жыл­дан-жылға беделі артып келе жат­қанын көзбен көріп отырмыз. Қазақстанға келген сайын­ жергілікті жұрттың ыстық ықы­ласын сезініп, өз елімізге ерекше шабытпен қанаттанып қайта­мыз. Осыдан-ақ түркітілдес елдер мә­дениетінің бір-біріне жаттығы жоқ екенін, тамырластығын аң­ғарамыз. Алдағы уақытта ауқымы кеңейе берсін деп тілейміз», дейді Э.Аубакиров.

Өз кезегінде қырғыз елінен келген Дастан Бөрөнқұлов та «Түркі әлемі» фестивалінің көр­кемдігі, ерекшелігі, мазмұны, сондай-ақ алдағы жоспарлары туралы ойын ортаға салды.

Фестиваль шымылдығын Қос­танай облыстық филар­мо­ния­сының «Ақжелең» ансамблі ашып берді. Өнер ұжымының сү­йемелдеуімен сахнаға сайын даланың салқар кеңдігін сый­ды­рып жібергендей болған жер­гілікті дәстүрлі әнші Манапбек Қадіров те Нұржанның назымдарын нақышына келтіре орындап берді. Бішкек қаласынан кел­ген «Күү булак» ансамблінің өнері де тыңдарманды бейжай қалдырмай, бірден баурап алды. Әуелі әйгілі «Манас» жырынан үзінді орындалып, кейін ұлттық күйлері, әуезді, әсерлі әндері сах­наны жаңғырықтырып жібер­ді. Ал башқұртстандық «Дэрт» ансамблінің орындауындағы сыр­лы саз иірімдері көрерменді тіп­тен бөлекше сезімге бөледі. Корай аспабының шеберлері ­шы­нымен де түркі әлемінің қат­парлы ғасырларына сапар шек­тіргендей болды. Әншіліктің «кө­меймен айту» техникасы­­ның үздік үлгісін де көрсетті. Өз­де­рі­нің дәстүрлеріне сай бағдар­­ла­маларының ортасында бір ко­райды көрермендердің біріне сыйға тартты.

Ұйымдастырушылар алыс-жа­қыннан келген меймандар­дың ұсыныс-тілегі бойынша жол­дың қашықтығы ескеріле оты­рып, алдағы уақытта дәстүрлі фес­­ти­валь өтетін уақытты басқа ­мез­гілге ауыстыру мәселесі қа­рас­ты­рылатынын айтты.

 

Қостанай облысы