Спорт • 22 Желтоқсан, 2023

Барлық бәсекеде басым түсті

89 рет
көрсетілді
1 мин
оқу үшін

Футзалдан 2024 жылы Өзбекстанда шы­мылдығы түрілетін әлем чем­пио­на­тының іріктеу турниріндегі соң­ғы кездесуін жерлестеріміз Румы­нияға қарсы өткізді.

Барлық бәсекеде басым түсті

Бухарестте өткен матчтың ел құрамасы үшін еш маңызы жоқ еді. Себебі біздің жігіттер алға қойған жоспарын күні бұрын орындап, жолдамаға иелік етті. Соған қарамастан командамыздың бас бапкері Кака бұл кездесуге мықты ойын­шыларының барлығын қосты. Нәтижесінде, бұл бәсекеде де басымдық таныттық. 8-минутта Шыңғыс Есенаманов есеп ашса, 26-минутта Біржан Оразов екінші голды соқты. Есеп – 2:0.

Сөйтіп, алты бәсекенің барлығында жеңіс­ке жеткен Қазақстанның футзалшы­лары 18 ұпайды қоржынға салып, жарыс кестесінде жеке-дара көш бастады. Отан­дас­тарымыз осы жетістігі арқылы келесі жылы өтетін әлем чем­пионатында күш сынасу мүмкіндігіне ие болды.