Содан хабар-ошарсыз кеткен. Суық хабар полицияға жетісімен, дереу жедел іздестіру шаралары басталды. Полицияның іздеу тобы кеше күні бойы жаяулап жүріп, қас қарайғанша Степное мен Айсарының арасын, Қостанай қаласына апаратын күре жолдың бойындағы орманды сүзіп шықты.
Бүгін таңғы 8-де іздеу шаралары қайта жалғасты. Іздеу шараларына 120-ға жуық адам, 6 техника қатысқан. Оның ішінде 35 полицей, 30 ТЖД қызметкері, 30 әскери және әкімдік өкілдерімен ерікті іздеу-құтқару жасағының еріктілері бар.
Облыстық ПД криминалдық полиция басқармасы іздестіру бөлімінің бастығы, полиция подполковнигі Тілеуберді Нұрахметовтің айтуынша, ақтүтек боранда үсіп қалған зейнеткер мен немересінің мүрдесі Степанов ауылының шетінен табылған. Қазір тергеу шаралары жүріп жатыр.
