Алматы • 09 Қаңтар, 2024

Қызыққа толы сырғанақ алаңы

102 рет
көрсетілді
2 мин
оқу үшін

Жылдағы дәстүр бойын­ша шаһардағы тегін сыр­ғанау алаңдары қала тұр­­ғындары мен қонақ­та­рына биыл да айқара ашық. Дәлірек айтқанда, мұндағы жиырмадан ас­там мұзайдынның 12-сі ақысыз жұмыс істейді.

Қызыққа толы сырғанақ алаңы

Суретті түсірген – Ерлан ОМАР, «EQ»

Биылғы маусымда Алма­тылықтар үшін алғаш есігін ашқан алып сырғанау айдыны Абай алаңында орын тепкен. Сонымен қа­тар 28 пан­филовшылар сая­ба­ғын­да, Тұң­ғыш Президент пар­кінде, Орталық стадион мен М.Әуезов театрының алдында, Гүлдер саябағы мен Оқушылар үйінің маңында сырғанау орындары түн жарымына дейін үз­діксіз жұмыс істеп тұр. Қала тұр­ғын­­дары мен мегаполис қо­нақ­тары мұнда қалаған уа­қы­тында сырғанақ теуіп, серги алады. Тіпті мұндағы арнаулы нұс­қаушылар келушілерге тегін кеңес беріп, қызмет көр­сетеді. Алдағы күндері де қала­ның бірнеше нүктесінен осындай сырғанақтар ашылмақ.

Демалушылар өзімен бір­ге конькилерін ала келуге тиіс. Сондай-ақ сырғанақ алаң­­дары­ның маңында тамақ­тануға арналған арнаулы орындар мен конькилерді жалға беру орталықтары жұ­мыс істейді. Ұйым­дас­ты­ру­шылар жалға беру бағасы қолжетімді болуы әрдайым қадағаланып отыратынын айтады.

Мұзайдындары Алма­ты­ның мың құбылған ауа райы­на орай­ластырылған. Күн райы 10 градусқа дейін жылыса да, сыр­ғанақ ерімейді. Яғни алаң­дардың арнаулы тоңа­зытқыш құ­ралы мұзды еріт­пеуге қолайлы температураны қамтамасыз ете алады. Қала жұрт­шылығына қуа­ныш сый­лаған әлеуметтік жобаны жү­зеге асыруға жергілікті әкім­дік мұрындық болған.

«Ойын-сауық орталықта­рындағы мұзайдындарына барғанда біраз шығын­да­ла­тынбыз. Былтырдан бері осы тегін сырғанақ алаң­дарына келетін болдым. Бұл да қара­пайым тұрғындар мен студент жас­тарға жасалған үлкен көмек деп есептеймін», дейді қала тұр­ғыны Мақсат Дүйсен.

Сырғанақ алаңдарының есігі көктемнің алғашқы айына дейін ашық.

 

АЛМАТЫ