Фото: egemen.kz
1 ақпандағы мәлімет бойынша Қазақстан халқының саны 20 033 546 адамға жеткен. 1 жылдық өсім 266 739 адамды құрады.
Ең көп халық Алматы қаласы (2 228 515 адам), Түркістан (2 142 005 адам) және Алматы (1 531 044 адам) облыстарында тұратыны белгілі болды.
Ал елдегі халық саны милионнан асатын қала, облыс қатарында Астана (1 430 163 адам), Шымкент (1 222 055 адам), Жамбыл (1 222 597 адам) және Қарағанды (1 135 411 адам) аймақтары бар.
Бюро дерегі бойынша ел тұрғындарының басым бөлігі 12 451 004 адам қалада тұрады. Ауылдық жерде қоныстанған халық саны - 7 582 542.
Айта кетейік, Қазақстан халқының саны 2023 жылдың қараша айында 20 миллионға жеткен еді.
Демограф мамандар ел халқы 30 миллионға қашан жететінін де болжады.
Бұған дейін халқымыздың санын 20 миллионға жеткізген 5 сәбидің қай өңірде тұратынын да хабарлаған едік.
