Жәдігер • 19 Ақпан, 2024

Құнды деректер таныстырылды

38 рет
көрсетілді
1 мин
оқу үшін

Қазақстан Республикасы Орталық мемлекеттік архивінің ұйымдастыруымен ұлт-азаттық күрестің символына айналған Кенесары Қасымұлының ісін жалғастырушы және оның тікелей ұрпағы Жапар сұлтанның өмірі мен іс-әрекетіне қатысты жинақталған «Жапар сұлтан: құжаттар мен материалдар» атты деректердің таныстырылымы өтті.

Құнды деректер таныстырылды

Маңызды жиынға тарих ғылымдарының докторы, академик Х.Әбжанов, Ш.Уәлиханов атындағы Тарих және этнология институты директорының ғылыми істер жөніндегі орынбасары Ш.Тілеубаев және сұл­танның ұрпақтары һәм архив, кітапхана қызметкерлері қатысып, ғалымдар туынды туралы ойларымен бөлісті.

Жинаққа Қазақстан Рес­публикасы Орталық мемле­кеттік архиві, Ресей мемлекеттік әскери-тарихи архиві, Орынбор облыстық мемлекеттік архиві, Өзбекстан Республикасының Ұлттық архиві қорларында сақталған һәм осы уақытқа дейін ғылыми айналымға енгі­зілмеген тың құжаттар, сонымен қатар шежіреші Мәшһүр-Жүсіп Көпейұлының қолжазба қорында сақталған деректер, «Бекет батыр» жырында айтылатын Жапар сұлтанның Бекет батырмен бірге Березов түрмесінен қашып шыққаны туралы да мәліметтер енгізіліпті.