Атаулы күндегі айрықша ықылас

«Шаңырақ күні» аясында  Жала­ғашта аудан әкімінің орынбасары Ғани Сүлейменов, аудандық қоғам­дық даму бөлі­мінің басшысы Жасұ­лан Ес­пенбет пен аудандық аналар кеңесінің төрайымы Айқын Жақ­­сылықова перзентханаға барып, осы күні дүниеге атұстар әкелген Фарида Әлиева мен Перизат Ахметоваға, кесте­тігер­дің анасы Нұргүл Мұса­баеваға сый-сияпат табыстап, гүл шоқтарын ұсынды.

Қазалылықтар да осы атау­л­ы күнді айрықша атап өтті. Р.Бағланова атын­дағы мәде­ниет орталығында іс-шара ұйымдас­тырылып, жарты ғасыр жұп жаз­баған Жеткергеновтер отба­сы мен отасқандарына 25 жыл болған Мұқа­новтар шаңы­ра­ғына құрмет көрсетілді. Аудан­­аралық аурухананың бас дәрі­гері Бақыткүл Әлішева жас бо­сан­ған аналарға сый табыс­­­тады.

Арал қаласындағы Отбасын қол­дау орталығында келін түсіріп, жаңа отау көтерген жастардың неке қию рәсімдері өткізілді. Дәстүрге сай беташар өтіп, отбасы құндылықтары дәріптелді. Салтанатты түрде жастар­дың некесі қиылып, жас отау иелеріне куәлік пен сый-сияпат табысталды. Ауданға белгілі мәдениет саласының ардагері, қазына қария Байнияз Тілепов жас жұбайларға бата беріп, елімізге бақ-береке тіледі.

Сырдарияда осы күні ұл босанған Гүлжан Құлмағамбетованы аудандық аурухана бас дәрігерінің орынбасары Ақкүл Күлеке мен аурухана қыз­меткерлерінің кәсіподақ ұйымы төра­ғасы Серік Маханбетов құттықтады.

Атаулы күні Жаңақорғанда аудан әкімінің орынбасары Бектас Нұрид­динов пен аудан­дық аурухана бас дәрігері Тәңір­берген Әмитұлы дүниеге келген 3 сәбидің анасын «Шаңы­рақ күнімен» құттықтап, құр­мет көрсетті.

Осы күні Қызылорда қала­сын­дағы Отбасы орталығында от­басылық танымдық іс-шара ұйым­дастырылып, береке-бір­лігі жарасқан шаңырақтар көп­ші­лікке насихатталды.

Қызылорда облысы