Президент • 25 Наурыз, 2024

Мемлекет басшысы Индонезияның жаңадан сайланған Президентіне құттықтау жеделхатын жолдады

46 рет
көрсетілді
1 мин
оқу үшін

Президент Қасым-Жомарт Тоқаев Прабово Субианто Джойохадикусумоны Президент сайлауында жеңіске жетуімен құттықтады, деп жазады Egemen.kz

Мемлекет басшысы Индонезияның жаңадан сайланған Президентіне құттықтау жеделхатын жолдады

Фото: Ақорда

«Сіздің дана басшылығыңызбен ғажап еліңіз өзінің экономикалық және әлеуметтік даму жолында жаңа белестерді бағындырып, халықаралық аренадағы рөлін нығайта түсетініне сенімдімін. Қазақстан мен Индонезия арасында өзара сенім мен ортақ мүддеге негізделген тығыз қарым-қатынас орнаған. Елдеріміздің мүддесіне сай көпжақты ықпалдастықты дамыту үшін бар мүмкіндікті бірлесе пайдалануға дайын екенімді растаймын», деп жазылған жеделхатта.

Мемлекет басшысы Индонезия Президентінің барлық бастамасы табысты жүзеге асып, халқының өсіп-өркендей беруіне тілектестік білдірді.