Қаржы • 02 Сәуір, 2024

Су тасқынынан зардап шеккендерге үй салуға қанша қаражат бөлінеді?

104 рет
көрсетілді
1 мин
оқу үшін

Индустрия және құрылыс министрі Қанат Шарлапаев су тасқынынан зардап шеккен халыққа үй салуға қанша қаражат бөлінетінін айтты, деп хабарлайды Egemen.kz.

Су тасқынынан зардап шеккендерге үй салуға қанша қаражат бөлінеді?

Фото: ТЖМ

Министрдің айтуынша, қазір әкімдіктер зардап шеккен үйлердің есебін жүргізіп жатыр.

«Біз жергілікті бюджеттен, одан кейін республикалық бюджеттен қаражат бөлетін боламыз. Қазір бір үйдің құнына 22 миллион теңге бөлдік. Бұл бір үйге 80 шаршы немесе 2 бөлмелі пәтердің құны. 1 шаршы метр үшін 281 мың теңге. Болашақта біз бюджеттен осы құнға қарай қаражат бөлетін боламыз. Әзірге бізде үйлердің нақты саны жоқ», деді Қ.Шарлапаев.

 

Қырмызы ЖҰМАҒАЛИҚЫЗЫ,

ЕҰУ студенті