Аймақтар • 23 Сәуір, 2024

Атыраулықтарға – айқара құшақ

21 рет
көрсетілді
1 мин
оқу үшін

Осыдан бірнеше күн бұрын су басу қаупі туындаған Атырау қаласынан Қызылордаға екі автобусты толтырған 93 адам келді.

Атыраулықтарға – айқара құшақ

Фото: kyzylorda-news.kz

Жауапты басшылар қонақ­тар­ды қабылдап алып, қалалық жұмыспен қамту және әлеуметтік бағдарламалар бөліміне қарасты Зейнеткерлерге жартылай ста­цио­нарлық жағдайда арнаулы әлеуметтік қызметтер көрсету орталығы мен И.Әбдікәрімов атындағы Қызылорда аграрлық-техникалық жоғары колледжінің жатақханасына орналастырды. Олардың қажеттіліктерін жер­гілікті әкімдік қамтамасыз етеді.

Қазір Атыраудан келген аза­мат­­тарға 3 мезгіл ыстық тамақ бе­ріліп, денсаулығын дәрі­­­гер­лер тұрақты бақылап отыр. Олар­дың ұсақ-түйек қажет­ті­ліктерін жеткізіп беруді «Аmаnat» партия­сы­ның облыстық филиалы қада­ға­­лауға алған.

Жалпы Сыр бойы жұртшы­лы­ғы су тас­қыны болған көршілес Ақтөбе облысына 9,8 млн теңге қаржылай, 67 млн теңге азық-түлік пен заттай көмек көрсетіпті. Қарғын судан қиындық көріп отырған өзге өңірлерге де 50 млн теңгенің көлемінде қажетті заттар жіберілді. Бұған қоса Батыс Қазақстан облысына 106 арнайы техника жөнелтілді.

 

Қызылорда 

Соңғы жаңалықтар

Болмысы биік тұлға

Тағзым • Кеше

БАҚ пен тіл

Сұхбат • Кеше

Тасқын су толастамай тұр

Аймақтар • Кеше