Атауы өзгерген акционерлік қоғам

Ең алдымен, «QAZAQ­GAZ AIMAQ» АҚ газды тасымалдаудан бастап, оны түпкілікті тұтынушы­ға өткізу, сондай-ақ өзі­нің газ тарату желілері мен ондағы газ жабдықтарын дербес пайдалануға дейін­гі өндірістің толық цик­лін өзіне қайтарды. Бұл жылыту маусымдары­на дайындық­ты тиімді жүр­гізуге, түрлі оқиғалардың ал­дын алуға, технология­лық ақауларға жедел назар аударуға мүмкіндік бермек.

Сонымен қатар қосым­ша газ тарату жүйелерін пайдалану жұмыстары­мен тікелей айналысатын 3 309 өндірістік маманды жұмысқа қабылдады. Бұл компанияның мәртебесін өсірумен қатар, аталған акционерлік қоғамға үлкен жауапкершілік жүктеп отыр.

Компания «QazaqGaz» ҰК» АҚ – еншілес компаниясы және елдің ішкі нары­ғындағы газбен жаб­дықтаушы негізгі ұйым­дардың бірі. Қызметінің негізгі бағыты –  өңірлер­дегі барлық тұтынушылар­ды табиғи газбен үздік­сіз қамту әрі апаттар­ды бол­дырмау. Екіншіден, тұтыну­шылары­на газбен жаб­дықтаудың қолжетімділігін, өзара сенімділігін және қызмет көрсетудің сапасын арттыруға басымдық береді. Бұған қоса қыз­мет көрсету жылдамдығы мен жұмыстарын кәсіби орындауға ұдайы назар аударып келеді. 

Бүгінгі таңда «QAZAQGAZ AIMAQ» АҚ өзі­­нің өндірістік филиал­дары арқылы барлық он төрт облысқа және рес­пуб­ликалық маңызы бар үш қалаға тауарлық газ жеткізуде. Олар – Ақтөбе, Алматы, Атырау, Ақмола, Шығыс Қазақстан, Жамбыл, Жетісу, Батыс Қазақстан, Қарағанды, Қызылорда, Қостанай, Маңғыстау, Түркістан және Ұлытау облыстары, республикалық маңызы бар Астана, Алматы және Шымкент қалалары.

Компания қызметін 12 мил­лионға жуық тұрғын (2 млн 400 мыңнан астам абонент) пайдаланып отыр, яғни тұтынушылар саны жыл­ма-жыл өсіп жа­тыр. Мысалы, биыл газ тұты­натын тұрғын­дар саны был­тырғымен са­лыс­тырғанда 500 мыңдай адам­ға өскен. Сондай-ақ тұ­тыну­шы­ға газ жеткізетін тар­ату желі­лерінің ұзындығы 69 мың ша­қырымнан ас­қан, бұл өткен жылмен салыс­тырғанда 5 500 шақырымға артық.

Бүгінде республикада қуатт­ы кадрлық әлеуе­ті бар, за­манауи ин­но­вациялық және ақпарат­тық технология­лармен қам­тылған, жоға­­­ры мате­риал­дық-техника­лық база­сы құрылған осы акцио­нер­лік қоғам газбен жабдық­таудағы қызмет көрсету жөнінде жетекші компания ретінде орын алып тұр. Болашақта да саланы цифр­ландыру арқылы табиғи газды жеткізу мен тасымалдау және жабдықтау қызметін жоғары сапада қамтамасыз етпек. 

Компания қызметін цифрландыру аясында газ­дандыруға қажетті техни­калық шарттар алуға өті­­нім беру Egov.kz элек­трон­­дық үкімет порталына шығарыл­ды. Сондай-ақ «QAZAQGAZ AIMAQ» АҚ объек­тіні газдандыру үшін құрылыс-монтаж жұмыс­тарын жүр­гізетін лицензия­ланған компания­ларды іздеуге арналған  Marketplace порталын да іске қосқан. 

Компанияның міндеті – адамдарға жылулық пен қуаныш сыйлау, елдің әл-ауқа­тын арттыруды дамы­ту­ға үлес қосу. Естеріңізге сала кетейік, 2022 жылы 5,6 млрд теңгенің шығынына ұшыраған «QAZAQGAZ AIMAQ» компаниясы 2023 жылды 3,5 млрд теңге таза табыспен аяқтады.