Осыдан 127 жыл бұрын, 1897 жылғы 22 мамырда Омбыда қала тарихында алғаш рет веложарыс өткізіліпті. Осы жарысқа Омбы мұғалімдер семинариясында оқып жүрген Мәділхан да қатысып, алтын медальды жеңіп алыпты. Бұл мәліметті «1000 знаменательных событий из истории Омска» деген кітаптан кезіктірдім.
Мәділхан – Абылай ханның ұрпағы. Әкесі – әйгілі «Дала уәлаятының газетінің» редакторы болған Есмұхамед Жошыұлы. Мәділхан Абылайханов офицер болған, Бірінші дүниежүзілік соғысқа қатысқан. Деректерде оның Дутовтың кеңесшісі болғаны, кейін Қытайға өтіп кеткені айтылып жүр.
Айтпақшы, «Атаманның ақыры» киносындағы Абылайханов – осы Мәділхан. Оның рөлін Нұрмұхан Жантөрин ойнайды.
Серікбол ХАСАН,
журналист
