Ауданда кәсіпкер, көпбалалы ана Венера Тайлақбаева құрған «Азия Қамыс» атты мекеме де бар. Серіктестік қамыстан экологиялық құрылыс материалдарын дайындауға арналған шикізат өңдеп, Швеция, Финляндия, Норвегия, Германия, Нидерланд мемлекеттеріне жөнелтіп отыр. Кәсіпорында тұрақты – 10, қамыс алқаптарында 100-ге жуық адам жұмыспен қамтылған.
Қазалыдағы «Сельхозэнерго» ЖШС-да табысты кәсіпорындар санатында. Ұзақ уақыттан бері электромонтаж жұмысымен айналысып келе жатқан өндіріс орны бүгінде вибропресс құрылғысы арқылы жаяу жүргіншілер жолына арналған бордюрлар шығарып отыр. Серіктестік директоры Бейбіт Қазығұлов өнімдері аудандағы жол құрылысы жұмыстарында кеңінен пайдаланылып отырғанын айтады.
Қызылорда облысы,
Қазалы ауданы
