Фото: ШҚО ПД баспасөз қызметі
Анықталғандай, жәбірленушінің денесінен түрлі дене жарақаттары табылған.
«Өскемендегі бау-бақша серіктестіктерінің бірінің шетінде көзге көрінетін дене жарақаттарымен шамамен 45-50 жас шамасындағы белгісіз әйелдің мәйіті табылды. Кісі өлтіру дерегі бойынша қылмыстық іс қозғалып, сараптама тағайындалды. Тергеу амалдары жүргізіліп жатыр», деп хабарлады ШҚО ПД баспасөз қызметі.
Полиция оқиғаның егжей-тегжейін ашып, тергеу әлі жалғасып жатқанын алға тартты. Белгілі болғандай, мәйіт «Алтай бағбаны» бағбандық қоғамынан, автотұрақтың жанынан табылған.
«Кісі өлтірген күдікті әлі ұсталған жоқ», деп нақтылады облыстық полиция.
