Қызылордада ер адам бүлдіршін қыз бен жүкті келіншекті атып өлтірді

АСТАНА. 15 маусым. Қызылорда облысында бұрынғы әйелінің туысына қонаққа келген ер адам жүкті әйел мен оның бір жасар қызын атып тастады. Бұл туралы nur kz хабарлады. Оқиға өткен аптаның сенбі күнінде қаладағы Жақаев көшесінде болған. Ер адам өзінің бұрынғы әйелінің туысына қонаққа келіп, кейін үй иесімен сөзге келіп  қалған. Содан соң, қонақ көлігінен аңшы қаруын әкеліп, оқ жаудыра бастайды. Үй иесі оқтан сытылғанымен, 23 жастағы жүкті келіні мен 1 жасар немере қызын құтқара алмаған. Сәби жедел жәрдем көлігі жеткенше шетінесе, жас келіншек жансақтау бөлімінде қайтыс болды. Айта кетейік, оқиға орнынан аңшы қаруынан атылған патрон гильзалары, кейін күдікті суға лақтырып жіберген қару да табылды. Ал полицейлерден жасырынған қылмыскерді табуға ОМОН жауынгерлері жұмылдырылды. Кісі өліміне кінәлі азамат тәртіп сақшыларына біраз қарсылық көрсеткен. Аталған қайғылы оқиғаға байланысты қылмыстық іс қозғалды. Талғат Райымбек. Дерек: nur kz. Сурет: syrboyi.kz.