Сондай-ақ Қазақстан темір жолы мен «Alstom Transport» арасында 6 осьті электровоздар бойынша стратегиялық ынтымақтастық туралы келісімге қол қойылды.
Мемлекет басшылары Қасым-Жомарт Тоқаев пен Эмманюэль Макронның қатысуымен 5 қарашада «Самұрық-Қазына» және ҚТЖ келісімдерін қоса алғанда, барлығы бес құжатқа қол қойылды.
Бір күн бұрын қордың басқарма төрағасы Нұрлан Жақыпов француз компаниялары топ-менеджментімен кездесті.
Ағымдағы жобалар бойынша мәртебені «Самұрық-Қазына» басшысы «Orano S. A.» франция атом өнеркәсібінің көшбасшысымен талқылады. Француз компаниясы «Қазатомөнеркәсіппен» уранды бірлесіп өндіру және қайта өңдеу, сондай-ақ ғылыми-техникалық қызмет мәселелері бойынша ынтымақтасады.
Сондай-ақ Нұрлан Жақыпов «Societe Generale» француз конгломератының топ-менеджері Илья Поляковпен кездесті. Тараптар ынтымақтастық мәселелерін талқылады.
Қазақстан-француз іскерлік кеңесі шеңберінде «Самұрық-Қазынамен» ынтымақтастықтың артықшылықтары туралы «Самұрық-Қазына» АҚ басқарушы директоры Салтанат Сәтжан айтып берді.
«Самұрық-Қазына» – Франциядағы «Total Energies», «Orano S. A.», «Societe Generale», «EDF» сияқты ірі компаниялардың серіктесі.
Сонымен қатар «Самұрық-Қазына» Қазақстан–Франция іскерлік кеңесінде бес құжатқа қол қойылды, атап айтқанда:
- ҚТЖ және «Societe Generale» арасындағы «Alstom» электровоздарын сатып алуды қаржыландырудың негізгі шарттары туралы келісім;
- ҚТЖ-Жүк тасымалы және «ЭҚЗ» ЖШС «Alstom» тарапымен Қазақстанға 2028 жылға дейін 117 локомотив жеткізетін қосымша келісімі;
- KEGOC және ASSYSTEM Қазақстанның ұлттық электр желісінің орнықтылығы мен тиімділігін арттыруда ынтымақтастық және жәрдем көрсету келісімі;
- «ҚазМұнайГаз» және «Axens» Қазақстанда SAF өндірісі бойынша жобаларды іске асыру мүмкіндігіне зерделеу келісімі;
- «Қазатомөнеркәсіп» және «Orano S. A.» арасындағы білім беру саласындағы өзара түсіністік және ынтымақтастық туралы меморандум.
Алдаберген КЕМПІРБАЙ
