58 мектеп лицензиясыз жұмыс істеген

Министрлік ақпаратына сүйенсек, атал­ған келеңсіздік Бі­лім саласындағы сапаны қам­та­масыз ету комитеті мен оның аумақтық депар­та­­менттерінің білім ұйымда­рына мониторингі барысын­да анықталды. Жыл басынан бері жүргізілген тексеру нәтижесі көрсеткендей, 58 мектеп білім беру қызме­тін лицензиясыз жүргізген. Бүгінгі таңда соның 17-сі оқыту қызметіне қойылатын талаптарға сәйкестендірді. Лицензиясыз қызмет жүр­гіз­ген мектептерге қатысты Әкімшілік құқық бұзушылық туралы кодекстің 463-бабы бойынша айыппұл салуға сот қаулысы шықты. Бұл білім беру ұйымдары негізінен Астана, Алматы қалалары мен Атырау, Алматы, Батыс Қа­зақстан, Түркістан, Маң­ғыс­тау, Жамбыл облыс­тарында орналасқан.

Білім саласындағы сапаны қамтамасыз ету коми­тетінің  төрағасы Ернұр Дәуе­нов осы мәселеге орай: «Қол­да­ныстағы «Білім туралы» Заң­ға сәйкес бар­лық мектеп білім беру қызметін бастамас бұрын рұқсат алуға міндетті. Ли­цензияның болмауы мек­тептердің талаптарға сәй­кестігі бойынша тексеруден өтпегенін немесе рұқсат алу үшін құжаттарды тап­сырмағанын білдіреді. Білім беру ұйымдары білім беру қызметімен айналысуға лицензия алған сәттен бас­тап қана құқылы. Егер мектеп мемлекеттік тіркеуден өткен сәттен бастап алты ай ішінде лицензия алмаса, сот тәртібімен жабылуға тиіс», деп пікір білдірді.

Лицензия алуға қойы­ла­тын негізгі талаптар тиіс­ті материалдық-техни­ка­­лық ба­заның, білікті педа­го­гикалық құрамның бо­луын, санитарлық-эпи­де­миологиялық, өртке қарсы нормалардың сақта­луын, сондай-ақ білім алу­шы­ларға медициналық қыз­мет көрсетуді ұйымдас­ты­руды қамтиды. Осы талап­­тар­ға сәйкес келмеу әкім­шілік жаза қолдану мен қай­та­лама бұзушылық бол­ған жағдайда білім беру ме­кемесінің қызметін тоқтату үшін негіз болып саналады. 

Айта кету керек, мектеп­тер бағыныстылығы жағы­нан жергілікті атқарушы органдарға қарайды. Өз кезе­гінде аумақтық департаменттер өңірлік әкімдіктер мен білім басқарма­ларының басшыларына бұзушылықтар­ды жою жөнінде шаралар қабылдау туралы ресми хат жолдады.