Жамбыл облысы бойынша экономикалық тергеп-тексеру департаменті басшысының орынбасары Руслан Сатыбалдиевтің айтуынша, өткен жылы жәбірленушілердің шағымы негізінде қаржы пирамидаларын ұйымдастырушыларға қатысты 3 қылмыстық іс тіркеліпті.
«Соңғы үш жылда қаржы пирамидалары әрекеттерінен Жамбыл облысында 200-ден астам азамат зардап шекті. Бұл экономикалық тергеу қызметіне өтініш білдірген адамдардың саны ғана екенін айта кеткен жөн. 2023-2024 жылдары тергеп-тексеру барысында департаментпен қабылданған шаралар нәтижесінде, зардап шеккен азаматтарға 45 миллион теңгеден астам келтірілген залал өтелді. Мысалы, «Chia Tai» қаржылық пирамидалық ұйымын ұйымдастырушыға қатысты қылмыстық істі тергеу барысында сатып алынған пәтер түріндегі мүлік пен 10 млн тенгеден астам қаражат тәркіленді», дейді Р. Сатыбалдиев.
Жалпы, қаржылық пирамидалардың құрбанына айналған азаматтардың нақты санын дөп басып айту қиын. Ал, заңсыз жарнамаға қатысты осы жылдың басында 4 қылмыстық іс тіркелгенінің өзі алаңдатпай қоймайды...
