Фото: pexels
Көші-қон қызметінің мәліметінше, 5 күн ішінде өткен рейдтік іс-шаралар барысында 46 мың көлік тексеріліп, 1 080 шетелдік азаматтың жеке тасымалмен заңсыз айналысқаны белгілі болған. Олардың 691-і қосымшалар арқылы көші-қон заңнамасын бұзып, такси қызметін көрсеткен.
Сондай-ақ 234 шетелдік азаматтың ел аумағында заңсыз еңбек қызметін жүзеге асырғаны анықталса, 457-сі Қазақстанда болу мерзімін бұзғаны үшін жауапқа тартылған.
Сот шешімімен 175 шетелдік такси жүргізушісі елден шығарылып, оның 103-і жеке басын анықтау мақсатында қабылдау-тарату орындарына орналастырылған. Сонымен қатар, 38 қазақстандық азамат шетелдіктерді заңсыз жұмысқа тартқаны үшін әкімшілік жауапкершілік арқалаған.
