КСРО халық әртісі Владимир Зельдин 100-ге толды

АСТАНА. Кеше, 10 ақпан күні Кеңес Одағының байырғы халық әртісі Владимир Зельдин өзінің ғасырлық жасқа толды. Бұл туралы «Аргументы и факты» хабарлады. Кешегі кеңес заманы театрының аңызға айналған тұлғасы болған Владимир Зельдин 10 ақпанда 100-ге толғанын Ресей армиясы орталық академиялық театрының үлкен сахнасында атап өтті. Ол осында «100 жыл, немесе Уақытпен бірге билеу» деген спектакльдің премьерасында басты рольде ойнады. Мерейтой иесіне арналған қойылымды режиссер Юлий Гусман қойды. Кеңес және орыс театры мен киносының актері, КСРО халық әртісі Владимир Михайлович Зельдин 1915 жылғы 10 ақпан (ескі стильмен – 28 қаңтар) күні Тамбов облысындағы Козлов (қазір Мичуринск) қаласында туған. Оның әкесі Михаил Евгеньевич Зельдин музыкант, дирижер, әскери капельмейстер болған. Ол Тверьдегі музыкалық мектептің негізін қалап, оны өзі басқарған. Анасы Анна Николаева Попова мұғалім болып қызмет еткен. Мұрат Айтқожа.