Солтүстік Қазақстанда лауазымды тұлға парамен ұсталды

ПЕТРОПАВЛ. 11 ақпан. Мемлекеттік қызмет істері және сыбайлас жемқорлыққа қарсы іс-қимыл агенттігі Солтүстік Қазақстан облыстық дератаментінің басшысы Шыңғыс Қабдола БАҚ өкілдерімен өткізген брифингте сыбайлас жемқорлықпен күрестің нақты мысалдарын келтіріп, ұсталған бірнеше лауазымды тұлғалардың есімдерін атады. Бұл туралы egemen.kz тілшісі хабарлады. Шыңғыс Қайыпұлы келтірген деректер бойынша, облыстық кірістер департаменті экономикалық тергеу қызметінің жауапты тұлғасына қатысты қылмыстық іс қозғалған. Ол қызмет бабын жеке мүддесіне пайдалана отырып, шағын және орта бизнес өкілінен 8 мың АҚШ доллары мөлшерінде пара бопсалаған кезінде қолға түскен. Петропавл қалалық соты күдіктіні әзірге кепілге босату туралы бұлтпартас шарасын қолданған. Мемлекеттік сатып алуға да тұрақты мониторинг жүргізіліп, сыбайлас жемқорлықты болдырмау, алдын алу жұмыстары жүргізілуде. Соның нәтижесінде тиісті органдарға 6 ұйғарым жіберіліп, 128 миллион теңгенің негізсіз конкурстарының күші жойылды, деді журналистерге берген сұхбатында Ш.Қабдола. Өмір Есқали. Дерек:egemen.kz. Сурет: news.nur.kz.