Солтүстік Қазақстандағы құс фабрикасында 0,5 млн. құс өсіріледі

ПЕТРОПАВЛ. 11 ақпан. Солтүстік Қазақстанның Қызылжар ауданында орналасқан «Алекри» құс фабрикасы озық технологияларды іске қосудың арқасында күніне 400 мың дана жұмыртқа алу мүмкіндігіне ие болды. Бұл туралы egemen.kz. тілшісі хабарлады. Кәсіпорын еліміздің нарығында 15 жылға жуық жұмыс істеп келеді. Осы уақыт аралығында 6 қуатты өндірістік цех пайдалануға берілді. Мемлекеттен жеңілдікпен бір миллион доллар қаражатқа 120 мың бас құсқа арналған екі қабатты кешен салынды. Субсидия есебінен өнімнің өзіндік құны арзандап, қолжетімді баға тұтынушыларды қанағаттандырады. 495 мың бас мекиенді бағып-қағу жұмыстарымен 50 адам айналысады. Былтыр 100 миллион дана жұмыртқа өндіріліп, оннан бір бөлігі Ресейге жөнелтілді. Биылғы меже – 20 миллион дана жұмыртқа алу, дейді мекеменің директоры Людмила Мухамедова. Өмір Есқали. Дерек: egemen.kz. Сурет: petropavl.sko.kz.