Жамбыл облысының тұрғыны марихуанамен ұсталды

ТАРАЗ. 13 ақпан. Осы аптада Жамбыл облыстық ішкі істер департаментінің Ұйымдасқан қылмысқа қарсы күрес басқармасы және Шу аудандық «Дельта-Долина» аймақаралық есірткі бизнесіне қарсы күрес бөлімінің қызметкерлері жедел-алдын алу іс-шараларын жүргізді. Бұл туралы Жамбыл облыстық ішкі істер департаментінің баспасөз қызметі хабарлады. Шара барысында Шу ауданы аумағының тас жолында Ж.есімді азаматтың басқаруындағы «Мазда-626» маркалы автокөлігін тексеру барысында 101 кило 880 грамм кептірілген марихуана тәркіленді. Тексеру барысында 1976 жылы туған Ж.есімді күдіктінің бұрын сотты болмағаны және осы ауданның жергілікті тұрғыны екендігі анықталды. Ол Шу аудандық ішкі істер бөлімінің уақытша ұстау изоляторына қамаққа алынды. Қазіргі таңда Қылмыстық кодекстің 297-бабы 3-бөлімі 3-тармағы бойынша қылмыстық іс қозғалып, тергеу жұмыстары жүргізілуде. Оралхан Дәуіт. Дерек, сурет: egemen.kz.